Նորություններ

2026թ. օգոստոսի 19-ին ՀՀ Վարկային կազմակերպությունների ասոցիացիայի և անդամ ունիվերսալ վարկային կազմակերպությունների ներկայացուցիչները մասնակցեցին ՀՀ կենտրոնական բանկում կազմակերպված հանդիպում-քննարկմանը՝ նվիրված Հայաստանի կլիմայական ռիսկերի քարտեզի ներկայացմանը։

Ասիական զարգացման բանկի (ADB) հետ համատեղ մշակված այս ինտերակտիվ գործիքը հնարավորություն է տալիս իրականացնել կլիմայական և ֆիզիկական վտանգների նախնական զննում ՀՀ բնակավայրերի մակարդակով։ Միավորելով արբանյակային հեռազննման տվյալներն ու բազմավտանգ շերտերը՝ քարտեզը հանդիսանում է կարևոր որոշումների աջակցման շերտ ֆինանսական կազմակերպությունների, պորտֆելի ռիսկերի կառավարման և գրավի գնահատման համար։

Հանդիպման ընթացքում ներկայացվեցին քարտեզների հաշվարկային տրամաբանությունն ու կիրառման ուղղությունները։ Ներկայացմանը հաջորդեց հարցուպատասխանի փուլ, որն անցավ չափազանց արդյունավետ մթնոլորտու:

ՎԿԱ-ն շարունակում է ակտիվորեն աջակցել կայուն ֆինանսավորման նախաձեռնություններին և նպաստել վարկային համակարգում կլիմայական ռիսկերի արդյունավետ կառավարմանը։