Հաշվետվություններ

Եռամսյակային հաշվետվություններ

Հերցոգն ասել է, թե երկու երկրները պետք է խոստովանեն, որ ամեն ինչում համաձայն չեն լինի։ «Սակայն մենք կձգտենք լուծել մեր տարաձայնությունները փոխադարձ հարգանքի եւ բարի կամքի պայմաններում, համապատասխան մեխանիզմների եւ ինստիտուտների միջոցով, որոնք մենք կզարգացնենք միասին, եւ ընդհանուր ապագայի մեր համատեղ տեսլականով»,- ասել է նա: «Դու եւ ես, քո եւ իմ ժողովուրդը, մենք բոլորս Աբրահամի՝ Աստծուն հավատացողների հոր զավակներն ենք»,- հավելել է նա:

Թուրքիայի եւ Իսրայելի միջեւ դիվանագիտական հարաբերությունները կտրուկ վատթարացել էին 2018թ, երբ նրանք արտաքսեցին դեսպաններին Գազայի սահմանին ցույցերից հետո, որոնց ընթացքում 60 պաղեստինցի սպանվեց:

Միջադեպը ընդհատեց տարիների աստիճանական հաշտեցումը այն վիճաբանությունից հետո, որն առաջացել էր 2010թ․ Իսրայելի կողմից Գազա մեկնող նավի վրա իսրայելական հարձակման հետեւանքով, այդ ժամանակ ինը թուրք պաղեստինամետ ակտիվիստներ էին սպանվել:

Չորեքշաբթի օրը տասնյակ թուրքեր բողոքի ցույց են անցկացրել Հերցոգի այցի դեմ՝ կոչ անելով Անկարային ուղղել «սխալը»:

Ցույցի ժամանակ մարդիկ շարվել են «Մեզ մեր երկրում մարդասպան պետք չէ» կարգախոսով պաստառի հետեւում։ «Մավի Մարմարան մեր հպարտությունն է»,- վանկարկել են նրանք։

Ըստ պաշտոնական տվյալների՝ թշնամանքի տարիների ընթացքում Թուրքիան եւ Իսրայելը 2021թ․ պահպանել են 6,7 մլրդ դոլարի ապրանքաշրջանառությունը՝ 2019-2020թթ․ 5 մլրդ դոլարի համեմատ։ Էրդողանը հույս է հայտնել, որ այս տարի առեւտրի ծավալը կհասնի 10 մլրդ դոլարի: