Նորություններ

MicroFinanza Rating (MFR) (Իտալիա) անկախ միջազգային վարկանիշային ընկերությունը «Ֆարմ Կրեդիտ Արմենիա» ՈՒՎԿ ԱԿ-ին շնորհել է α-low ինստիտուցիոնալ վարկանիշ և հաճախորդների պաշտպանության սկզբունքներին համապատասխանության առավելագույն՝ Ոսկե վկայագիր (CPC Gold certificate):

MFR-ի վարկանշավորման կոմիտեի ղեկավար Իվան Սանինոն նշել է. «Վարկանիշը շնորհվել է վարկային կոմիտեի կողմից մանրակրկիտ քննարկումների արդյունքում: Այն համապատասխանում է կազմակերպության ֆինանսական կայունության լավ հեռանկարին, որի վրա կարող են ազդել գործառնական կամ տնտեսական պայմանների վատթարացումը: Կառույցը ունի լավ հիմքեր»:

MFR սերտիֆիկացման կոմիտեի ղեկավար Յորիս Կրիսան գրել է հետևյալ շնորհավորանքները. «Վկայագրի ոսկե (GOLD) մակարդակը ձեռքբերումների ամենաբարձր մակարդակն է և նշանակում է, որ հավաստագրված կազմակերպությունը համապատասխանում է հաճախորդների պաշտպանության առավել խիստ չափանիշներին, որոնք ներկայացված են միջազգային չափորոշիչներում: Մեր կողմից ցանկանում եմ նշել, թե որքան ոգևորիչ էր ուղեկցել կազմակերպությանը այս գործընթացում, և մենք շնորհավորում ենք «Ֆարմ Կրեդիտ Արմենիա» ՈՒՎԿ ԱԿ-ի ողջ թիմին»:

«Ֆարմ Կրեդիտ Արմենիա» ՈւՎԿ ԱԿ-ն  ՀՀ-ում գործող միակ կոոպերատիվ վարկային կառույցն է, որն  իր գործունեությունը ծավալում է ՀՀ մարզերում` տրամադրելով տնտեսության բացառապես իրական հատվածի ֆինանսավորման վարկեր: Կոոպերատիվը հիմնադրվել է 2007 թվականին 57 ֆերմերների կողմից և այժմ կոոպերատիվի անդամ-փայատերերի թիվը կազմում է ավելի քան 9600 անձ: Վարկային կոոպերատիվի սեփական կապիտալը կազմում է 2.3 միլիարդ ՀՀ դրամ, ակտիվները՝ 14.9 միլիարդ ՀՀ դրամ: