Նորություններ

Զեղծարարություն

20.04.2022

Հարգելի հայրենակիցներ

«Նոր Հորիզոն» ՈՒՎԿ ՍՊԸ–ի կողմից ստացված ահազանգերի հիման վրա կատարված ուսումնասիրությամբ պարզվել է, որ facebook սոցիալական ցանցում 14.04.2022թ. ստեղծվել է «Նոր Հորիզոն» անվանումով օգտատիրոջ էջ, որով գովազդվում  արտոնյալ պայմաններով, առցանց վարկերի տրամադրում 18-65 տարեկան քաղաքացիներին, մասնավորապես՝ մինչև 500 հազար ՀՀ դրամի վարկի տրամադրում անհուսալի դասով դասակարգված (սև ցուցակում գտնվող)  հաճախորդներին:

Ըստ ընկերություն ահազանգած հաճախորդների, իրենց  հետ անձնական նամակով հաղորդակցվելիս , որպես գործունության հիմնավորում, «Նոր Հորիզոն» անվանումով օգտատերը  իրենց է ուղարկում ՀՀ Կենտրոնական բանկի կողմից «Նոր Հորիզոն» ՈՒՎԿ ՍՊԸ-ին տրամադրված լիցենզիայի և գրանցման վկայականի էլեկտրոնային տարբերակները, որոնք հրապարակված են կազմակերպության պաշտոնական կայքում:
   Ընկերության տնօրինությունը պաշտոնապես հայատարարում է, որ facebook սոցիալական ցանցում «Նոր Հորիզոն» անվանումով օգտատիրոջ էջը ոչ մի կապ չունի «Նոր Հորիզոն»  ՈՒՎԿ ՍՊԸ –ի  հետ և ընկերությունը ողջամիտ կասկածներ ունի այն մասին, որ նշված օգտատերը ընկերության անվան և լիացենզիայի օգտագործմամբ իրականացնում է ՀՀ Կենտրոնական Բանկի կողմից չլիցենզավորված գործունեություն, ուստի խորհուրդ է տրվում ձեռնապահ մնալ նշված օգտատիրոջ հետ որևէ գործարք իրականացնելուց:

«Նոր Հորիզոն» ՈՒՎԿ ՍՊԸ
Գործադիր տնօրեն ՝ Աշոտ Սարգսյան