Նորություններ

25 000 ծառ՝ «Արեգակ» ՈՒՎԿ գործունեության 25-ամյակի առթիվ
«Արեգակ» ՈւՎԿ-ն իր գործունեության 25-ամյակի առթիվ մասնակցում է «Մայ Ֆորեսթ ԷՅԷՄ» հասարակական կազմակերպության նախաձեռնած անտառապատման ծրագրին` ֆինանսավորելով 25 000 ծառի ծառատնկման  և հաջորդ երեք տարիներին ծառերի խնամքի իրականացման աշխատանքները։ Անտառատնկման աշխատանքներն արդեն մեկնարկել են այս տարվա ապրիլին և իրականացվում են Լոռու մարզի Ջրաշեն համայնքում գտնվող մոտ 6 հա տարածքում։ 
«Արեգակ» ՈւՎԿ-ն այս ծրագրով նպաստելու է  անտառային էկոհամակարգերի զարգացմանը, ինչպես նաև՝ տեղական համայնքների զարգացմանը։ Աշխատանքներում ներգրավված են տեղի համայնքների բնակիչները՝  բնապահպանական և անտառատնկման նոր գիտելիքների ստացման հնարավորությամբ։ Այս քայլը կարևոր խթան է տեղաբնակների աշխատանքային հնարավորությունների զարգացման համար։ Նորատունկ անտառում էնդեմիկ ծառերի հետ տնկվելու են նաև պտղատու ծառեր՝ ընկուզենի, վայրի տանձենի, խնձորենի և այլն:
Հավատարիմ մնալով իր առաքելությանը՝ «Արեգակ» ՈւՎԿ-ն մշտապես ուշադրության կենտրոնում է պահում  գերփոքր և փոքր ձեռնարկատերերի տնտեսական և սոցիալական զարգացումը։